بیروت/تہران (شِنہوا) ایرانی وزارت خارجہ کے ترجمان اسماعیل بقائی نے پیر کے روز کہا ہے کہ ایران کو "مکہ مشترکہ دفاعی معاہدے” میں شمولیت کی کوئی باضابطہ دعوت موصول نہیں ہوئی ہے۔
لبنان میں قائم نشریاتی ادارے المیادین نے اتوار کے روز اطلاع دی تھی کہ ایرانی پارلیمنٹ نیوز ایجنسی کے سربراہ مہدی رحیمی نے کہا تھا کہ ایران کو اس مکہ معاہدے میں شمولیت کی دعوت دی گئی ہے جس پر اس ماہ کے شروع میں سعودی عرب، ترکیہ اور پاکستان نے دستخط کئے تھے۔
رپورٹ کے مطابق رحیمی نے کہا کہ یہ تجویز اس وقت ایرانی قیادت کے زیر غور ہے۔
پاکستان کی وزارت خارجہ کے مطابق بڑھتے ہوئے علاقائی سکیورٹی خدشات کے پیش نظر پاکستان، سعودی عرب اور ترکیہ نے 7 اگست کو سعودی عرب کے شہر مکہ مکرمہ میں ایک مشترکہ دفاعی معاہدے پر دستخط کئے تھے۔
وزارت خارجہ نے ایک بیان میں کہا کہ اس معاہدے کا مقصد کسی بھی جارحانہ اقدام کے خلاف اجتماعی دفاع کو مضبوط بنانا ہے، جس کے تحت ان تینوں میں سے کسی بھی ایک ریاست پر مسلح حملے کو تمام ریاستوں پر حملہ تصور کیا جائے گا۔
