لندن (لارڈ میڈیا) برطانوی میڈیا نے انگلینڈ کے دورے پر موجودہ پاکستان ٹیسٹ ٹیم کو 50 برسوں کی کمزور ترین ٹیم قرار دیا ہے۔ رپورٹ کے مطابق انگلینڈ کے خلاف پاکستان کی آخری 8 وکٹیں صرف 74 رنز پر گریں، جبکہ موجودہ بیٹنگ کا معیار ماضی کے عظیم بیٹرز کے مقابلے میں نمایاں طور پر کمزور ہے۔ پاکستانی فاسٹ بولنگ میں رفتار اور معیار دونوں میں کمی دیکھی گئی ہے۔
انگلینڈ نے اپنی پہلی اننگز میں 8 وکٹوں کے نقصان پر 366 رنز بنائے اور پاکستان کے خلاف 195 رنز کی برتری حاصل کی۔ رپورٹ میں کہا گیا کہ ہیڈنگلے کی خشک پچ پر بھی پاکستانی بولرز انگلش بلے بازوں کو پریشان نہ کر سکے۔
رپورٹ میں مزید کہا گیا کہ پاکستان کی فیلڈنگ بھی خراب رہی جس میں متعدد مس فیلڈز اور کیچز ڈراپ ہوئے۔ جو روٹ، ہیری بروک اور ڈین لارنس نے ان مواقع کا فائدہ اٹھایا اور آسانی سے رنز بنائے۔
رپورٹ میں محمد رضوان کی وکٹ کیپنگ اور اسپنرز کی جوڑی کو ماضی کی جارحانہ کرکٹ کی جھلک واپس لانے میں ممکنہ کردار ادا کرنے کی امید ظاہر کی گئی ہے۔
