ہانگ ژو (شِنہوا) چینی کار ساز کمپنی جیلی آٹوموبائل ہولڈنگز لمیٹڈ نے اپنی عبوری رپورٹ میں رواں سال کی پہلی ششماہی کے دوران ریکارڈ بلند فروخت اور آمدنی میں اضافہ رپورٹ کیا ہے۔
کمپنی نے پہلی ششماہی میں 14 لاکھ 20 ہزار سے زائد گاڑیاں فروخت کیں جبکہ اس کی آمدنی گزشتہ سال کے مقابلے میں 15 فیصد بڑھ کر 173.6 ارب یوآن (تقریباً 25.58 ارب امریکی ڈالر) ہوگئی۔
یہ کمپنی کی آمدنی میں مسلسل چھٹے سال پہلی ششماہی میں اضافہ ہے۔ اس دوران کمپنی کے بنیادی منافع میں بھی 46 فیصد اضافہ ہوا اور یہ 9.68 ارب یوآن تک پہنچ گیا۔
گیلی آٹو کی بیرون ملک فروخت میں گزشتہ سال کے مقابلے میں 158 فیصد اضافہ ہوا اور یہ 4 لاکھ 74 ہزار سے زائد گاڑیوں تک پہنچ گئی۔ یہ تعداد پورے 2025 میں کمپنی کی مجموعی برآمدات سے بھی زیادہ ہے۔
چین کے مشرقی صوبے ژے جیانگ کے دارالحکومت ہانگ ژو میں قائم گیلی آٹو اس وقت دنیا کی 114 بیرون ملک مارکیٹوں میں کاروبار کر رہی ہے۔
