زیورخ (لارڈ میڈیا) : فیفا کے صدر جیانی انفینیٹو نے فیفا فارورڈ انٹرپرائز منصوبہ واپس لینے کا اعلان کیا ہے۔ ان کا کہنا ہے کہ اس منصوبے کی وجہ سے فٹبال میں تقسیم پیدا ہوئی اور یہ اب کھیل کے مفاد میں نہیں ہے، اس لیے اسے واپس لیا جا رہا ہے۔
جیانی انفینیٹو نے کہا کہ فیفا فارورڈ منصوبہ رکن ممالک کی اکثریت کی حمایت پر مبنی تھا، لیکن تمام آراء سننے کے بعد اس کو آگے نہ بڑھانے کا فیصلہ کیا گیا ہے۔
فیفا کے اعلامیہ کے مطابق کوئی بھی تنظیم تمام 211 رکن ممالک کی نمائندگی کا دعویٰ نہیں کر سکتی اور فیفا کبھی فٹبال کو فروخت نہیں کرے گا۔
فیفا صدر کا مزید کہنا تھا کہ فیفا کا مقصد ہمیشہ اتحاد اور فٹبال کی بہتری رہا ہے، تمام متعلقہ فریقوں کو دوبارہ ایک میز پر لائیں گے اور ضرورت مند ممالک میں فٹبال کے فروغ کا مشن جاری رہے گا۔
انہوں نے یہ بھی بتایا کہ فیفا فارورڈ منصوبہ باضابطہ طور پر ختم کردیا گیا ہے اور اس پر مزید پیش رفت نہیں ہوگی۔
