واشنگٹن (شِنہوا) امریکہ کے محکمہ خارجہ نے سعودی عرب کو تقریباً 1.96 ارب امریکی ڈالر مالیت کے ہتھیار فروخت کرنے کی منظوری دے دی۔
محکمہ خارجہ نے ایک بیان میں کہا کہ "یہ مجوزہ فروخت امریکہ کی خارجہ پالیسی اور قومی سلامتی کے اہداف کے حصول میں معاون ثابت ہوگی کیونکہ اس سے نیٹو سے باہر کے ایک اہم اتحادی کی سلامتی بہتر ہوگی، جو خلیجی خطے میں سیاسی استحکام اور اقتصادی ترقی کے لئے ایک اہم قوت ہے۔”
محکمہ خارجہ کے مطابق اس معاہدے کا مرکزی ٹھیکیدار بی اے ای سسٹمز ہوگا۔ یہ اقدام ایسے وقت میں سامنے آیا ہے جب یمن میں حوثی فورسز اور سعودی عرب کے درمیان کشیدگی میں اضافہ ہوا ہے۔
اسلحے کی فروخت ایسے وقت میں بھی کی جا رہی ہے جب امریکہ اور ایران کے درمیان محاذ آرائی شدت اختیار کر رہی ہے اور واشنگٹن نے بحری ناکہ بندی دوبارہ نافذ کرنے کے بعد تہران کے خلاف اپنی فوجی کارروائیاں تیز کر دی ہیں۔
