بیجنگ (شِنہوا) چین کی وزارت قومی دفاع نے اعلان کیا ہے کہ چائنیز پیپلز لبریشن آرمی کا ایک بحری بیڑا، جس میں گائیڈڈ میزائل ڈسٹرائر نان ننگ اور گائیڈڈ میزائل فریگیٹ ہینگ یانگ شامل ہیں، 2 سے 6 جولائی تک ہانگ کانگ کا دورہ کرے گا جہاں عوام کے لئے کھلے دوروں اور ثقافتی تبادلے کی مختلف سرگرمیوں کا انعقاد کیا جائے گا۔
وزارت کے مطابق ان سرگرمیوں کا مقصد ہانگ کانگ خصوصی انتظامی علاقے اور مکاؤ خصوصی انتظامی علاقے کے عوام کو چین کی قومی دفاعی صلاحیت اور فوجی ترقی میں ہونے والی پیش رفت سے زیادہ براہ راست اور گہری آگاہی فراہم کرنا ہے۔
