لاس اینجلس (لارڈ میڈیا): فیفا ورلڈ کپ 2026 کے ناک آؤٹ مرحلے کا آغاز اتوار کو جنوبی افریقا اور کینیڈا کے درمیان لاس اینجلس اسٹیڈیم میں ہونے والے میچ سے ہوگا۔ ایران ورلڈ کپ سے باہر ہو چکا ہے جبکہ افریقی ٹیموں نے تاریخی کارنامہ سرانجام دیتے ہوئے ریکارڈ نو ٹیموں کو ناک آؤٹ مرحلے میں پہنچا دیا ہے۔
ناک آؤٹ مرحلے میں 32 ٹیموں نے جگہ بنائی ہے اور ہر میچ ڈو آر ڈائی ہوگا۔ کامیابی حاصل کرنے والی ٹیمیں اگلے مرحلے میں جائیں گی جبکہ شکست خوردہ ٹیمیں ٹورنامنٹ سے باہر ہو جائیں گی۔
اوپٹا سپر کمپیوٹر کے مطابق کینیڈا کو جنوبی افریقا کے خلاف میچ میں 55 فیصد مواقع پر فیورٹ قرار دیا گیا ہے۔
پیر کو برازیل اور جاپان کے درمیان ٹیکساس کے ہیوسٹن اسٹیڈیم میں میچ ہوگا۔ دیگر میچوں میں جرمنی-پیراگوئے، نیدرلینڈز-مراکش، آئیوری کوسٹ-ناروے شامل ہیں۔
افریقی ٹیموں میں الجزائر، کیپ ورڈے، جمہوریہ کانگو، مصر، گھانا، آئیوری کوسٹ، مراکش، سینیگال اور جنوبی افریقا شامل ہیں۔
لیونل میسی اور کرسٹیانو رونالڈو کے درمیان ممکنہ فائنل کی امید برقرار ہے۔ ارجنٹینا اور پرتگال کو ڈرا میں مختلف حصوں میں رکھا گیا ہے۔
