بیجنگ (شِنہوا) بیجنگ میں پارٹی کی تنظیمی تعمیر پر ایک قومی کانفرنس پیر کے روز منعقد ہوئی۔
کمیونسٹ پارٹی آف چائنہ (سی پی سی) کی مرکزی کمیٹی کے سیاسی بیورو کی قائمہ کمیٹی کے رکن اور سی پی سی کی مرکزی کمیٹی کے سیکرٹریٹ کے رکن کائی چھی نے کانفرنس میں شرکت کی اور خطاب کیا۔ سی پی سی کی مرکزی کمیٹی کے سیاسی بیورو کی قائمہ کمیٹی کے رکن اور سی پی سی کے مرکزی کمیشن برائے انضباطی معائنہ کے سیکرٹری لی شی نے بھی کانفرنس میں شرکت کی۔
کانفرنس کے دوران بتایا گیا کہ 2012 میں سی پی سی کی 18 ویں قومی کانگریس کے بعد سے شی جن پھنگ کی قیادت میں سی پی سی کی مرکزی کمیٹی نے دور حاضر کے بڑے سوالات، جیسے کہ طویل مدتی حکمرانی کرنے والی کس قسم کی مارکسسٹ پارٹی بنائی جانی چاہیے اور ایسی پارٹی کو کس طرح تعمیر کیا جانا چاہیے، کے جواب میں نئے خیالات، افکار اور حکمت عملیوں کا ایک سلسلہ پیش کیا ہے۔ کانفرنس کے مطابق اس عمل کے دوران پارٹی کی تنظیمی تعمیر پر شی جن پھنگ کے افکارنے قطعی شکل اختیار کی ہے۔
کانفرنس میں اس بات کا ذکر کیا گیا کہ یہ فکر نئے دور کے لئے چینی خصوصیات کے حامل سوشلزم پر شی جن پھنگ کے افکار کا ایک اہم جزو ہے جس نے پارٹی کی تنظیمی تعمیر کے مارکسی نظریے کی ترقی میں بڑے اور منفرد مخلصانہ تعاون کا اضافہ کیا ہے اور پارٹی و ملک کو مضبوط بنانے کے لئے اس کی بڑی عملی اور دور رس رہنمائی کی اہمیت ہے۔
کانفرنس میں کہا گیا کہ یہ فکر نئے دور میں پارٹی کی تنظیمی تعمیر کو مضبوط بنانے کے لئے بنیادی رہنما اصول کا کام کرتی ہے۔
اس فکر میں اس بات پر زور دیا گیا ہے کہ پارٹی کی قیادت کو برقرار رکھنا چینی خصوصیات کے حامل سوشلزم کی سب سے نمایاں خصوصیت ہے۔
