بیجنگ (شِنہوا) چین نے جمعرات کو انسانی حقوق کے عالمی نظم و نسق فورم 2026 کے افتتاح کے موقع پر قومی انسانی حقوق کا ایک نیا لائحہ عمل جاری کیا ہے جس کا مقصد عوام کے بنیادی کردار کا احترام یقینی بنانا اور ان کے بنیادی مفادات کا تحفظ کرنا ہے۔
چین کا انسانی حقوق کا قومی لائحہ عمل (2026-2030) سماجی انصاف اور مساوات کے فروغ کو بھی یقینی بنائے گا اور اس بات کو ممکن بنائے گا کہ جدت کے ثمرات تمام لوگوں تک منصفانہ طور پر پہنچیں۔
یہ لائحہ عمل تعارف اور آٹھ ابواب پر مشتمل ہے۔ اسے انسانی حقوق کے قومی لائحہ عمل کے مشترکہ اجلاس کے طریقہ کار کے رکن اداروں کے نمائندوں نے مشترکہ طور پر جاری کیا۔
تازہ ترین لائحہ عمل کے مطابق چینی حکومت نے 2021 سے 2025 تک انسانی حقوق کا اپنا چوتھا لائحہ عمل کامیابی سے نافذ کیا۔ منصوبے کے اہداف اور اقدامات پر موثر عملدرآمد کے نتیجے میں چین نے انسانی حقوق کے تحفظ کے شعبے میں نمایاں پیش رفت کی ہے، جس سے عالمی سطح پر انسانی حقوق کی ترقی کے لئے ضروری استحکام اور اعتماد کو فروغ ملا۔
