لہاسا(شِنہوا)چین اور نیپال کی گائی رونگ-راسو وا پورٹ، جو دونوں ممالک کے درمیان سب سے بڑی زمینی پورٹ ہے، نے جمعرات کو کسٹم اور مسافروں کی کلیئرنس کا دوبارہ آغاز کر دیا۔ یہ پورٹ اس علاقے کے سیلاب سے متاثر ہونے کی وجہ سے 6 ماہ تک بند رہی۔
گائی رونگ پورٹ چین کے جنوب مغربی شی زانگ خودمختار خطے کی ایک اہم تجارتی راہداری ہے۔ کسٹم کے اعداد وشمار کے مطابق 2024 میں اس پورٹ کے ذریعے 4.25 ارب یوآن (تقریباً 60 کروڑ 40 لاکھ امریکی ڈالر) کی درآمدات اور برآمدات ہوئیں، یہ شرح اس خطے کی تمام پورٹس میں سب سے زیادہ ہے اور یہ چین-نیپال مجموعی تجارتی حجم کا تقریباً 30 فیصد حصہ ہے۔
تاہم جولائی 2025 میں سیلاب کی وجہ سے گائی رونگ پورٹ اور راسو وا پورٹ نیپال کو ملانے والا پل بہہ جانے کی وجہ سے لوگوں کی دوطرفہ آمدورفت اور تجارتی سامان کی نقل وحمل معطل ہو گئی تھی۔ اس کے بعد سے چین اور نیپال کی حکومتوں نے کسٹم کلیئرنس کے عمل کو دوبارہ شروع کرنے کے لئے ایک دوسرے کے ساتھ مل کر کام کیا۔
