لندن: انگلش پریمیئر فٹ بال لیگ( ای پی ایل) میں 4 جنوری بروز ہفتہ کو مزید 7میچ کھیلے جائیں گے۔پہلا میچ ٹوٹنہم ہاٹ پوراور نیو کیسل یونائیٹڈ کی ٹیموں کے درمیان ٹوٹنہم ہاٹ پور سٹیڈیم، لندن کے مقام پر کھیلا جائے گا،دوسرا میچ بورن مائوتھ اور ایورٹن کی ٹیموں کے درمیان وائٹلٹی سٹیڈیم، بورن مائوتھ کے مقام پر کھیلا جائے گا،تیسرے میچ میں آسٹن ولا اور لیسٹر سٹی کی ٹیمیں آمنے سامنے ہوں گی اور یہ میچ ولا پارک، برمنگھم میں کھیلا جائے گا۔
چوتھا میچ کرسٹل پیلس اور چیلسی کی ٹیموں کے درمیان سیلہرسٹ پارک، لندن میں کھیلا جائے گا،پانچویں میچ میں دفاعی چیمپئن مانچسٹر سٹی اور ویسٹ ہیم یونائیٹڈ کی ٹیمیں اتحاد سٹیڈیم، مانچسٹر میں پنجہ آزمائی کریں گی۔
چھٹا میچ سائوتھمپٹن اور برینٹ فورڈ کی ٹیموں کے درمیان سینٹ میریز سٹیڈیم، ساتھمپٹن میں کھیلا جائے گا۔4جنوری کا ساتواں اور آخری میچ برائٹن اینڈ ہوو البیون اور آرسنل کی ٹیموں کے درمیان امریکن ایکسپریس سٹیڈیم، فالمرمیں کھیلا جائے گا۔
یاد رہے انگلش پریمیئر فٹ بال لیگ کے 33 ویں سیزن کا آغاز ہوچکا ہیجو مجموعی طور پر ٹاپ فلائٹ انگلش فٹ بال کا 126واں ایڈیشن ہے۔ ای پی ایل میں شائقین فٹ بال کو انتہائی دلچسپ اور کانٹے دار مقابلے دیکھنے کو مل رہے ہیں۔
