بیجنگ (شِنہوا) چین کی وزارت خارجہ کے ترجمان نے کہا ہے کہ چین کے حالیہ فیصلے کے تحت فلپائن کے وزیر دفاع گلبرٹو ٹیوڈورو جونیئر اور ان کے اہل خانہ پر پابندیاں عائد کرنے کے بعد ان کے ’’غیر ذمہ دارانہ اقدامات‘‘ کا الٹا اثر ہوگا اور یہ فلپائن اور اس کے عوام کے مفادات کو نقصان پہنچائیں گے۔
چینی وزارت خارجہ کے ترجمان لین جیان نے معمول کی پریس بریفنگ میں ایک سوال کے جواب میں اس حوالے سے اپنے ردعمل کا اظہار کیا۔
چین کی وزارت خارجہ نے جمعرات کو اعلان کیا تھا کہ قومی خودمختاری، سلامتی اور ترقیاتی مفادات کے تحفظ کے لیے فیصلہ کیا گیا ہے کہ گلبرٹو ٹیوڈورو جونیئر، ان کی اہلیہ اور بچے کو چینی مین لینڈ، ہانگ کانگ اور مکاؤ میں داخلے کی اجازت نہیں دی جائے گی اور چین میں کسی بھی تنظیم یا فرد کو ان کے ساتھ کسی قسم کے لین دین، تعاون یا سرگرمی کی اجازت نہیں ہوگی۔
