بیجنگ (شِنہوا) چین کی وزارت تجارت نے بتایا کہ چین اور یورپی یونین نے اس بات پر اتفاق کیا ہے کہ وہ تجارت اور سرمایہ کاری کے متعلق چین-یورپی یونین مشاورتی نظام کے پہلے اجلاس سے عملی نتائج حاصل کرنے کی کوشش کریں گے۔
چین کے نائب وزیر تجارت اور بین الاقوامی تجارت کے نائب نمائندے لنگ جی نے برسلز میں یورپی کمیشن کی تجارت اور اقتصادی سلامتی کی ڈائریکٹر جنرل ڈیٹے جول جورگینسن کے ساتھ مذاکرات کئے۔ دونوں فریقین نے مشاورتی نظام کی تیاری کے متعلق امور پر تفصیلی اور جامع تبادلہ خیال کیا۔
دونوں جانب نے اس بات پر اتفاق کیا کہ وہ اس مشاورتی نظام کے پہلے اجلاس سے عملی نتائج کے حصول کے لئے کوشش کریں گے، دوطرفہ اقتصادی و تجارتی تعلقات کو مستحکم بنائیں گے اور ان کی پائیدار ترقی کو فروغ دیں گے۔
