تونس (شِنہوا) چینی کارساز کمپنی چیری آٹو موبائل نے تیونس میں ہائبرڈ گاڑیوں کے تین نئے ماڈلز متعارف کرا دیئے۔
چینی کارساز کمپنی چیری آٹوموبائل اور اس کے سرکاری ڈیلر ایس ٹی اے نے ایک بیان میں کہا ہے کہ ان ماڈلز میں ٹیگو 9 پی ایچ ای وی، ٹیگو 4 ایچ ای وی اور اریزو 8 پی ایچ ای وی شامل ہیں، کمپنی نے گزشتہ چھ ماہ میں مجموعی طور پر 6 نئے ماڈلز متعارف کرائے ہیں۔
بیان کے مطابق 2025 تک چیری آٹوموبائل کمپنی تیونس میں مسافر گاڑیوں کے 3 سرفہرست برانڈز میں شامل ہو گئی اور 2024 کے مقابلے میں اس کی فروخت میں 70 فیصد اضافہ ہوا۔
مقامی میڈیا لا پریسے کے مطابق چینی کمپنیوں نے تیونس کی نئی کاروں کی منڈی میں اپنی موجودگی نمایاں طور پر بڑھائی ہے اور 2026 کی پہلی سہ ماہی میں منڈی میں ان کا حصہ 22.5 فیصد تک پہنچ گیا ہے۔
