چین میں یوم مئی تعطیلات کے اخراجات سے کھپت میں اضافہ

یوم مئی کی تعطیلات کے موقع پر چین بھر میں ثقافتی اور سیاحتی سرگرمیوں کا ایک رنگا رنگ سلسلہ دیکھنے میں آیا۔ اس صورتحال سے مضبوط صارف اخراجات اور چھٹیوں کے دوران ایک متحرک منڈی کی عکاسی ہوئی۔

متعدد مقامات پر تجرباتی معیشت کی کشش تیزی سے نمایاں ہوتی جا رہی ہے۔

ہونگ آن

چھونگ چھنگ

چین کے جنوب مغربی شہر چھونگ چھنگ کے قدیم قصبے ہونگ آن میں مشہور چینی ناول سے ماخوذ نیا اپ گریڈ شدہ تجرباتی اسٹیج ڈرامہ "اِن کاؤنٹرنگ بارڈر ٹاؤن” سیاحوں کی توجہ کا مرکز بنا ہوا ہے۔

ساؤنڈ بائٹ 1 (انگریزی): تیان یویانگ، سیاح

"میں کم عمری سے ہی شین کونگ وین کا ناول ‘بارڈر ٹاؤن’ پڑھتی آ رہی ہوں اور اس کے مناظر اور روزمرہ زندگی نے ہمیشہ مجھے بہت متاثر کیا۔ یہاں ذاتی طور پر آنے، لوک گیت سننے اور دریا میں کشتی کےسفر کا تجربہ کرنے سے میں خود کو مکمل طور پر اس ماحول میں ڈوبا ہوا محسوس کر رہی ہوں۔”

لوشیان کاؤنٹی، صوبہ سیچھوان

صوبہ سیچھوان کی لُو شیان کاؤنٹی میں واقع عجائب گھرکے اندر ایک تجرباتی تھیٹر پرفارمنس نے نمائش کے مقامات کو ایک جاندار اسٹیج میں تبدیل کر دیا ۔

ساؤنڈ بائٹ 2 (انگریزی): لیو یاٹونگ، سیاح

"اس طرح کی تجرباتی پرفارمنس مجھے تاریخ کے بہت قریب لے آتی ہے۔ اداکاروں کی حیران کن کارکردگی نے مجھے یوں محسوس کروایا جیسے میں واقعی سونگ دور (960 تا 1279) کی زندگی میں داخل ہو گئی ہوں۔ یہ ایک بہت شاندار تجربہ تھا۔”

شام کے اوقات کی مصروف کاروباری سرگرمیوں کے باعث رات کی معیشت کو بھی فروغ مل رہا ہے۔

دُن ہوانگ، صوبہ گانسو

قدیم و جدید تعمیراتی مناظر کے امتزاج سے دُن ہوانگ کا رات کا بازار مقامی کھانوں سے لطف اندوز ہونے اور وہاں کے پُرکشش ماحول کو محسوس کرنے کی ایک مقبول جگہ ہے۔

ساؤنڈ بائٹ 3 (چینی): لی یی پنگ، سیاح

"میں نے ابھی دُن ہوانگ کے رات کے بازار میں کئی مقامی پکوان کھائے اور یہاں رقص کی پرفارمنس بھی دیکھی۔ واقعی دُن ہوانگ کی ثقافتی خصوصیات اجاگر ہو رہی ہیں اور یہاں کا ماحول بہت شاندار ہے۔”

یوم مئی کی تعطیلات کے دوران اِن ڈور برفانی کھیل بھی ایک مقبول انتخاب بن رہے ہیں۔

ہاربن، صوبہ حئی لونگ جیانگ

ہاربن میں واقع ایک اِن ڈور سکائی ریزارٹ میں سیاحوں نے سلا لم ریسز اور روبوٹ تھیم پر مبنی شوز میں حصہ لیا اور موسم کی شدت سے ہٹ کر ایک ٹھنڈے اور خوشگوار ماحول کا لطف اٹھایا۔

چھونگ چھنگ، لان ژو، ہاربن، چھنگ دو،گوئی یانگ، چین سے شِنہوا نیوز ایجنسی کے نمائندوں کی رپورٹ