پیر, فروری 17, 2025
ہومLatestایف آئی اے کی کارروائی، مراکش کشتی حادثے میں ملوث انسانی سمگلر...

ایف آئی اے کی کارروائی، مراکش کشتی حادثے میں ملوث انسانی سمگلر گرفتار

گوجرانوالہ: ایف آئی اے نے مراکش کشتی حادثے میں ملوث انسانی سمگلر گرفتارکر لیا۔ترجمان کے مطابق ایف آئی اے نے مظفر گڑھ میں ایک کارروائی کے دوران مراکش کشتی حادثے میں ملوث انسانی سمگلر عدیل احمد کو گرفتار کرلیا۔ حکام کے مطابق ملزم نے گجرات کے رہائشی ریحان اسلم کو سپین بھجوانے کیلئے 40لاکھ روپے وصول کئے تھے، ریحان کو پاکستان سے دبئی اور پھر ایتھوپیا کے راستے سینیگال لے جایا گیا جہاں ریحان سینیگال سے مراکش پہنچا اورپھر کشتی حادثے میں جاں بحق ہوگیا۔ حکام کے مطابق متاثرہ کے گھر والوں نے رقم گرفتار ملزم کے بینک اکاؤنٹ میں ٹرانسفر کیں۔

حکام کے مطابق ملزم عدیل احمد حادثے کے بعد سے روپوش تھا جس کیخلاف ریحان کے ورثاء نے مقدمہ درج کرایا تھا۔ترجمان نے بتایا گینگ کے دیگر ملزمان کی گرفتاری کیلئے چھاپے مارے جا رہے ہیں۔

دوسری جانب ڈائریکٹر گوجرانوالہ زون عبدالقادر قمر نے کہا ہے کہ انسانی سمگلنگ نیٹ ورک کیخلاف کارروائیاں مزید تیز کر دی گئی ہیں، معصوم جانوں سے کھیلنے والوں کو انصاف کے کٹہرے میں لایا جائے گا، ایف آئی اے کی ٹیمیں لواحقین سے مسلسل رابطے میں ہیں۔

انہوں نے کہا کہ انسانی سمگلنگ کیخلاف زیرو ٹالرنس پالیسی پر عمل جاری ہے، کشتی حادثات کے ذمہ دار انسانی سمگلروں کو سخت سزائیں دلوائی جائیں گی، عالمی سطح پر انسانی سمگلنگ کے نیٹ ورک کو جڑ سے ختم کیا جائے گا۔

+ posts
متعلقہ تحاریر
- Advertisment -
Google search engine

متعلقہ خبریں

error: Content is protected !!