اسلام آباد: پی ٹی آئی نے شیر افضل مروت کو شوکاز نوٹس جاری کر کے جواب طلب کرلیا۔ تفصیلات کے مطابق پی ٹی آئی کے سیکرٹری جنرل عمر ایوب نے پارٹی رہنماء شیر افضل مروت کو شوکاز نوٹس جاری کردیا ہے۔
شوکاز نوٹس میں کہا گیا ہے کہ آپ کے غیرذمہ دارانہ بیانات سے پارٹی کے مفادات کو نقصان پہنچا، بانی پی ٹی آئی کی ہدایات کے باوجود آپ نے بیانات دیئے۔
نوٹس میں کہا گیا ہے کہ آپ کے بیان سے پارٹی ممبران اور سٹیک ہولڈرز کے درمیان تعلقات خراب ہوئے۔نوٹس میں کہا گیا ہے کہ 3روز میں تحریری وضاحت دیں کہ آپ کیخلاف پارٹی ایکشن کیوں نہ لے؟ ،اگر نوٹس کا جواب نہ دیا گیا یا جواب اطمینان بخش نہ ہوا تو آپ کیخلاف کارروائی کی جائے گی۔
