اوکاڑہ: اوکاڑہ میں ایک سال تک گھریلو ملازمہ کو زیادتی کا نشانہ بنانے اور قتل کرنیوالا ملزم گرفتار کرلیا گیا۔ تفصیلات کے مطابق اوکاڑہ میں پولیس نے کارروائی کرتے ہوئے گھریلو ملازمہ کو ایک سال تک زیادتی کا نشانہ بنانے اور قتل کرنے کے مقدمہ میں ملزم کو گرفتار کرلیا ۔
ڈی پی او اوکاڑہ منصور امان نے بتایا کہ ملزم لڑکی کو ایک سال تک زیادتی کا نشانہ بناتا رہا ،حاملہ ہونے پر ملزم نے لڑکی کو اسقاط حمل کی دوائی کھلائی جس سے اس کی حالت غیر ہوگئی اور وہ 17 اپریل کو ہسپتال میں دم توڑ گئی تھی جس کے بعد ملزم روپوش ہوگیا تھا۔ پولیس کے مطابق ملزم نے دوران تفتیش اعتراف جرم کرلیا ہے۔
