بیجنگ(شِنہوا) چین کے قومی سیاسی مشیروں نے ثقافتی اعتماد اور طاقت کے فروغ کے لئے ملک کی عوامی ثقافتی خدمات اور ہر قسم کے میڈیا میں مواصلات کے نظاموں کو بہتر بنانے کی تجویز دی ہے۔
یہ تجاویز انہوں نے جمعرات کو چین کے اعلیٰ سیاسی مشاورتی ادارے چینی عوامی سیاسی مشاورتی کانفرنس (سی پی پی سی سی) کے نیشنل کمیشن کی قائمہ کمیٹی کے اجلاس کے دوران دی۔
کمیونسٹ پارٹی آف چائنہ سنٹرل کمیٹی کے سیاسی بیورو کی قائمہ کمیٹی کے رکن اور سی پی پی سی سی نیشنل کمیٹی کے چیئرمین وانگ ہونِنگ نے اجلاس میں شرکت کی۔
سینئر سیاسی مشیروں نے یہ بھی تجویز دی کہ چین شہریوں کی سائنسی اور ثقافتی خصوصیات کو مزید بہتر بنائے اور ثقافتی ورثے کے تحفظ اور وراثت کے لئے ایک نظام قائم کرے۔
اجلاس کی صدارت سی پی پی سی سی نیشنل کمیٹی کے نائب چیئرمین ہی باؤ شیانگ نے کی۔
