چین، مشرقی شہر شنگھائی میں قومی نمائش و کنونشن مرکز (شنگھائی) میں 7 ویں چائنہ بین الاقوامی درآمدی نمائش کے میڈیا مرکز میں صحافی کام کررہے ہیں۔(شِنہوا)
آکلینڈ (شِنہوا) نیوزی لینڈ ٹریڈ اینڈ انٹرپرائز (این زیڈ ٹی ای) کے ریجنل ڈائریکٹر گریٹر چائنہ اینڈریو وائٹ نے رواں سال چائنہ بین الاقوامی درآمدی نمائش (سی آئی آئی ای) میں نیوزی لینڈ کی شرکت میں نمایاں اضافے کا اعلان کیا ہے۔
انہوں نے کہا کہ نیوزی لینڈ کی ریکارڈ 58 کمپنیاں 7 ویں سی آئی آئی ای میں شرکت کریں گی جو گزشتہ برس کے مقابلے میں دوگنا سے بھی زائد ہے۔
نمائش کنندگان میں سے 27 کمپنیاں ” نیوزی لینڈ کا ذائقہ” پویلین میں اپنی مصنوعات کی نمائش کریں گی۔ یہ پویلین چائنہ چیمبر آف کامرس نے این زیڈ ٹی ای کے تعاون سے قائم کیا ہے۔ پویلین میں دیگر منفرد اشیائے صرف کے ساتھ ساتھ اعلیٰ معیار کے پکوان اور مشروبات کی مختلف اقسام پیش کی جائے گی۔
نمائش میں چین میں کام کرنے والے نیوزی لینڈ کے کچھ بڑے برآمد کنندگان نے بھی اپنے اپنے پویلین قائم کئے ہیں۔
شنگھائی میں 7 ویں سی آئی آئی ای 5 سے 10 نومبر تک جاری رہے گی۔
