تحریر: پال اوڈوفن
—-
اگر آپ بہت زیادہ ہوائی سفر کرتے ہیں تو، ساتھ والی سیٹوں پر بیٹھے زیادہ دوستانہ گپ شپ لگانے والے افراد سے ہوشیار رہیں۔
میں ایک ایک بار دوبئی کی جانب سفر کیلئے جہاز میں سوا ہوئی کہ ایک خاتون آئی اور جہاز کے اندر میرے ساتھ والی سیٹ پر بیٹھ گئی۔
اس نے مجھ سے اپنا بیگ اوور ہیڈ سامان والے ڈبے میں رکھنے میں مدد کرنے کو کہا۔ لیکن پاس بیٹھا ہوا ایک شریف آدمی تیزی سے وہاں سے آ گیا۔ میں زیادہ لمبی نہیں ہوں اور اوور ہیڈ لگیج کمپارٹمنٹ ایسی چیز ہے جس سے میں ہر قیمت پر بچنے کی کوشش کرتی ہوں۔
اس خاتون نے میرے ساتھ بات چیت شروع کردی۔وہ بہت خوش مزاج اور اچھی بات کرتی تھی۔ لہذا ہم نے دبئی جانے والی فلائٹ کے دوران ڈھیروں باتیں کیں۔
اچانک، جب پائلٹ نے اعلان کیا کہ اب ہم دوبئی ائیرپورٹ پر جہاز کی لینڈنگ کیلئے آگے بڑھ رہے ہیں، تو اچانک اس عورت جو کہ میری دوست بن چکی تھی کے پیٹ میں درد شروع ہو گیا۔ میں نے اپنے اچھے دل کے ساتھ، میں نے ائیر ہوسٹس کا بٹن دبایا۔وہ یہ جاننے کے لیے فوراً آئی کہ مسئلہ کیا ہے۔ میں نے اسے بتایا کہ میرے ساتھ بیٹھی خاتون کی طبیعت ٹھیک نہیں ہے۔ اور وہ خاتون اچانک مجھے ‘میری بیٹی’ کہہ کر مخاطب کرنے لگیں۔
ائیر ہوسٹس نے مجھے بتایا کہ ان کے پاس کچھ نہیں تھا سوائے اس کے کہ اسے درد کش دوائیں دیں اور جہاز کے اترنے تک انتظار کریں۔
پائلٹ نے اعلان کیا کہ ہمیں جہاز پر طبی ایمرجنسی ہے اور ہم سب کو پرسکون رہنے کا مشورہ دیا۔ میری نئی دوست رو رہی تھی اور اسکا پسینہ بہہ رہا تھا۔ وہ مسلسل میرا ہاتھ تھامے ہوئے تھے اور اسے چھوڑنے کو تیار نہ تھی۔ تقریباً سبھی مسافروں نے فرض کر لیا تھا کہ ہم ایک دوسرے کو جانتے ہیں۔
چنانچہ ہم دوبئی ائیرپورٹ پر اترے اور وہی شریف آدمی جس نے اس کا سامان اوور ہیڈ ڈبے میں رکھنے میں مدد کی تھی اس نے اس کا سامان ہٹا دیا۔ لیکن جب اس نے سامان ہٹایا تو اس نے مجھے مشورہ دیا کہ میں اس خاتون سے خود کو دور رکھوں اور کیبن کریو پر واضح کر دوں کہ ہم ساتھ سفر نہیں کر رہے ہیں۔ وہ ایک مسیحا تھا!
تو درحقیقت، کیبن کریو آیا اور مجھ سے پوچھا کہ کیا ہمارا تعلق ہے، میں نے واضح طور پر انہیں بتایا کہ ہم جہاز میں ملے تھے۔ ! اسے بالکل نہیں جانتی تھی۔ چنانچہ ہم نے جہاز سے اترنا شروع کیا اور جب میں نے الوداع کہا تو وہ مجھ سے اپنا ہینڈ بیگ لے جانے کی التجا کرتی رہی۔ اسکی حالت دیکھ کر میرا دل بہت نرم ہو چکا تھا لیکن اس شریف آدمی نے میری آنکھوں میں دیکھا اور زور سے سر ہلایا۔ اس نے مجھے ایک نوٹ دیا جس میں کہا گیا کہ کیبن کریو کو اسے سنبھالنے دیں۔
اس لیے میں ہوائی جہاز سے باہر نکلتی ہوں اور اپنے ‘نئے دوست’ کو وہیل چیئر کا انتظار کرنے کے لیے چھوڑ دیتی ہوں۔
جب ہم اپنے سامان کے آنے کا انتظار کر رہے تھے تو میں نے یہ ہنگامہ سن لیا۔ میری ‘نئی دوست’ بھاگ رہی تھی، وہیل چیئر سے باہر نکل کر کیبن کریو سے بچنے کی کوشش کر رہی تھی! اس نے اپنا ہینڈ بیگ ائیر ہوسٹس کے پاس چھوڑ دیا اور اپنے باقی سامان کے ساتھ باہر نکلنے کی طرف بھاگی! خوش قسمتی سے ہوائی اڈے کی پولیس اس سے زیادہ تیز تھی۔ وہ اسے پکڑ کر ہتھکڑیاں لگا کر واپس لے آئے۔
یہ عورت مجھے پکارنے لگتی ہے… میری بیٹی… میری بیٹی!… تم میرے ساتھ ایسا کیسے کر سکتی ہو۔ میں اسکی حرکتیں دیکھ کر حیران تھی۔ وہ منشیات لے کر جا رہی تھی اور وہ کوشش کر رہی تھی کہ کسی طرح میں اسکی مدد کروں اور اگر میں بچ کر باہر نکل جاؤں تو وہ مجھ سے اپنا بیگ لے لیتی۔
میری خوش قسمتی سے، وہ شریف آدمی جس نے اس کے سامان میں اس کی مدد کی تھی، آگے آیا اور ایئرپورٹ پولیس کو بتایا کہ میری اور اس کی ملاقات ابھی جہاز میں ہوئی تھی۔ پولیس نے میرا پاسپورٹ لے لیا اور اس عورت سے پوچھا کہ میرا پورا نام کیا ہے۔
خدا کے فضل سے، میں نے اسے اپنا نام تک نہیں بتایا تھا! مجھے اب بھی پولیس کے ساتھ ایک چھوٹے سے کمرے میں جانے کو کہا گیا جہاں مجھ سے بڑے پیمانے پر پوچھ گچھ کی گئی۔ میں اس سے کہاں ملی؟… میں کہاں سوار ہوئی… وہ کہاں سوار ہوئی؟ وغیرہ… اور میرے سامان کی بڑے پیمانے پر تلاشی لی گئی اور انگلیوں کے نشانات کی جانچ بھی کی گئی۔
انہوں نے اس کے تمام سامان کو چیک کیا لیکن میرے فنگر پرنٹ اس کے سامان یا اس کے ہینڈ بیگ پر کہیں نہیں ملے!
مجھے پولیس نے اس نصیحت کے ساتھ چھوڑ دیا کہ کبھی بھی کسی کے سامان کو فلائٹ میں یا ہوائی اڈے پر ہاتھ نہ لگائیں۔ تو اس دن کے بعد سے میں نے یہ اصول اپنا لیا ہے کہ مجھے اس بات کی پرواہ نہیں ہے کہ آپ کے پاس کتنا سامان ہے اور آپ کس مصیبت میں ہیں۔ آپ اسے خود ہی نمٹا لیں۔ میں آپ کو اپنا سامان رکھنے کے لیے ٹرالی بھی پیش نہیں کروں گی! آپ کا سامان… آپ کا مسئلہ…. میری پالیسی ہے۔
اور اگر آپ اوور ہیڈ کمپارٹمنٹ تک نہیں پہنچ سکتے ہیں، اور میں قریب ترین فرد ہوں، تو براہ کرم کیبن کریو کو کال کریں کیونکہ میں صرف اتنا کروں گی کہ آپ کو ایک نظر دیکھوں اور منہ دوسری جانب کر لوں۔
ہوائی سفر کرتے ہوئے صرف اور صرف اپنی فکر کریں دوسروں کی نہیں۔
