بیجنگ (شِنہوا) چین کے سابق وزیراعظم ژو رونگ جی بدھ کے روز بیجنگ میں صبح 11 بج کر 6 منٹ پر علالت کے باعث 98 برس کی عمر میں انتقال کر گئے۔
ژو رونگ جی کمیونسٹ پارٹی آف چائنہ (سی پی سی) کی 14ویں اور 15ویں مرکزی کمیٹیوں کے سیاسی بیورو کی قائمہ کمیٹی کے رکن کے طور پر خدمات انجام دے چکے تھے۔
کمیونسٹ پارٹی آف چائنہ کی مرکزی کمیٹی، قومی عوامی کانگریس کی قائمہ کمیٹی، ریاستی کونسل اور چینی عوامی سیاسی مشاورتی کانفرنس کی قومی کمیٹی کی جانب سے مشترکہ طور پر جاری کردہ تعزیتی بیان میں ژو رونگ جی کو پارٹی کا ایک ممتاز رکن، وقت کی کسوٹی پر پورا اترنے والے وفادار کمیونسٹ مجاہد اور پرولتاری انقلاب کے ایک ممتاز رہنما، مدبر اور پارٹی و ریاست کا رہنما قرار دیا گیا ہے۔
