اسلام آباد: وزیر داخلہ محسن نقوی نے فتنہ الہندوستان کے دہشت گردوںکے حملے میں 4 ایف سی اہلکاروں کی شہادت پر افسوس کا اظہار کرتے ہوئے کہا ہے کہ شہدا کی قربانیاں دہشت گردی کے خلاف جنگ میں ہمارے عزم کو مزید مضبوط کرتی ہیں۔
جاری مذمتی بیان میں وزیر داخلہ نے کہا کہ لانس نائیک محمود شاہ، سپاہی شاہد، سپاہی رئوف اور ڈرائیو شاہ پور نے شہادت کا بلند رتبہ پایا، شہدا کے لواحقین سے دلی ہمدردی اور تعزیت کا اظہار کرتے ہیں۔
انہوں نے کہا کہ ہم شہید اہلکاروں کی عظیم قربانی کو سلام پیش کرتے ہیں، شہدا کی قربانیاں دہشتگردی کیخلاف جنگ میں ہمارے عزم کو مزید مضبوط کرتی ہیں۔ انہوں نے کہا کہ حکومت شہدا کے لواحقین کے دکھ میں برابر کی شریک اور سوگوار خاندانوں کیساتھ کھڑی ہے۔
