بیجنگ (شِنہوا) چینی وزارت خارجہ کے ترجمان لین جیان نے پیر کے روز بتایا ہے کہ جنوبی بحیرہ چین میں جمعہ کی رات خراب موسم کے باعث ایک ویتنامی جہاز ڈوب گیا تھا جس کے عملے کے 62 ارکان میں سے 47 کو بحفاظت بچا لیا گیا ہے۔
لین جیان نے معمول کی نیوز بریفنگ میں بتایا کہ چین نے مشکلات میں گھرے جہاز کی نشاندہی ہوتے ہی امداد اور تلاش کی کارروائیوں کے لئے فوری طور پر بحری جہاز اور ہیلی کاپٹر روانہ کئے تھے۔ انہوں نے مزید کہا کہ زخمیوں کو طبی امداد فراہم کی گئی اور بچائے گئے تمام افراد کو ویتنامی حکام کے حوالے کر دیا گیا ہے، جس پر ویتنام نے چین کا شکریہ ادا کیا ہے۔
انہوں نے بتایا کہ جہاز پر کل 62 افراد سوار تھے اور اب بھی لاپتہ افراد کی تلاش اور امداد کے لئے کارروائی جاری ہے۔
