اسلام آباد (لارڈ میڈیا): آئل اینڈ گیس ڈیولپمنٹ کمپنی لمیٹڈ (او جی ڈی سی) نے پاکستان میں پہلی بار زمینی شورآب میں لیتھیم کی موجودگی کی تصدیق کی ہے، جو دنیا کے معروف لیتھیم بردار جیوتھرمل شورابوں کے برابر بتائی جا رہی ہے۔
یہ دریافت او جی ڈی سی کے پائلٹ جیوتھرمل پروگرام کے تحت بلند درجہ حرارت کے جیوتھرمل کنویں سے حاصل ہونے والے فارمیشن واٹر کے جدید جیوکیمیائی تجزیے کے دوران سامنے آئی۔
او جی ڈی سی کے اعلیٰ حکام کے مطابق یہ پاکستان میں اس نوعیت کی پہلی دریافت ہے، جو ملک کو جیوتھرمل شوراب کو لیتھیم کے ممکنہ ذریعہ کے طور پر تلاش کرنے والے ممالک کی صف میں شامل کرتی ہے۔
لیتھیم عالمی سطح پر صاف توانائی کی جانب منتقلی میں اہم کردار ادا کرتا ہے اور برقی گاڑیوں کی بیٹریوں سمیت متعدد جدید ٹیکنالوجیز کا لازمی جزو ہے۔
پاکستان میں زمینی شورآب میں لیتھیم کی دریافت، آئل اینڈ گیس ڈیولپمنٹ کمپنی لمیٹڈ
- Advertisment -