کراچی: امیر جماعت اسلامی حافظ نعیم الرحمن نے کہا ہے کہ کراچی کے حقوق سے دستبردار ہونگے نہ کسی کو شہر کے اختیارت پر ناگ بن کر بیٹھنے دیں گے۔ کراچی میں تقریب سے خطاب کرتے ہوئے حافظ نعیم الرحمن نے کہا کہ کراچی کو اس کے جائز حق اور میئر سے محروم کردیا گیا، اب تو گاڑی کی نمبر پلیٹس ہم سے دوبارہ بنوائی جا رہی ہیں۔
انہوں نے سرکاری سکولوں کا معیار بہتر کرنے کا مطالبہ کرتے ہوئے کہا کہ تعلیم کیلئے بجٹ 631 ارب روپے ہے مگر ملک میں 2 کروڑ 62 لاکھ بچے سکولوںسے باہر ہیںجس میں سے صرف سندھ کے ایک کروڑ بچے شامل ہیں۔
انہوں نے کہا کہ گلبرگ میں تعلیمی کارڈ کا آغاز اچھا اقدام ہے، اس کارڈ کو پورے کراچی میں پھیلانے کیلئے اقدامات کی ضرورت ہے۔
انہوں نے کہا کہ بچوں کو بہترین تعلیم دینی ہے، ان کو منشیات کا عادی نہیں بلکہ بہترین انسان بنانا ہے، ہم اپنے بچوں کے مستقبل کو سنواریں گے، ہر ٹاؤن میں انتظامیہ نے 5سکولوں پر کام کا آغاز کر دیا گیا ہے۔انہوں نے کہا کہ جماعت اسلامی شہر کے حقوق سے دستبردار ہوگی نہ ہی کراچی کے اختیارت پر کسی کو ناگ بن کر بیٹھنے دیں گے۔
