تہران (لارڈ میڈیا) : ایرانی وزارت صحت نے اعلان کیا ہے کہ 27 جون سے 31 جولائی کی صبح تک امریکی فضائی حملوں میں 53 افراد جاں بحق اور 592 زخمی ہوئے ہیں۔ وزارت صحت کے شعبہ تعلقات عامہ و اطلاعات کے سربراہ حسین کرمان پور نے کہا کہ جاں بحق ہونے والوں میں 6 خواتین اور 3 بچے شامل ہیں۔ زخمیوں میں 39 خواتین اور 23 بچے بھی شامل ہیں۔ 592 زخمیوں میں سے 535 کو علاج کے بعد ہسپتالوں سے فارغ کیا جا چکا ہے، جبکہ 36 اب بھی زیر علاج ہیں۔
امریکی سینٹرل کمانڈ نے کہا ہے کہ امریکی افواج نے ایران کے فوجی آپریشنز مراکز، بحری صلاحیتوں، طیاروں کے ہینگرز، ڈرون ذخیرہ گاہوں اور فوجی لاجسٹکس کو نشانہ بنایا ہے۔ سینٹکام کے مطابق ایران نے بین الاقوامی آبی گزرگاہ سے گزرنے والے 30 سے زائد تجارتی جہازوں پر حملے کیے ہیں۔
امریکی سینٹرل کمانڈ نے دعویٰ کیا کہ ان حملوں سے سیکڑوں بے گناہ ملاحوں کی جانیں خطرے میں پڑیں اور بین الاقوامی آبی راستوں میں آزادانہ جہاز رانی متاثر ہوئی۔ آبنائے ہرمز کے باوجود، امریکی افواج نے 900 تجارتی جہازوں اور 450 ملین بیرل خام تیل کی محفوظ نقل و حمل میں مدد فراہم کی ہے۔
