تہران (لارڈ میڈیا): ایران کے سینئر عہدیدار نے دعویٰ کیا ہے کہ ثالث ممالک نے ایران اور امریکا کے درمیان عبوری معاہدہ بحال کرنے کے لیے 10 روز کی جنگ بندی کی تجویز دی ہے۔ اس تجویز کا مقصد دونوں ممالک کے درمیان کشیدگی کو کم کرنا اور عبوری معاہدے کو بحال کرنا ہے۔
دوسری جانب نیویارک ٹائمز نے رپورٹ کیا ہے کہ امریکی محکمہ دفاع، پینٹاگون پر الزام عائد کیا گیا ہے کہ اس نے ایران جنگ میں زخمی ہونے والے درجنوں فوجیوں کی معلومات کو عوام سے پوشیدہ رکھا ہے۔ اطلاعات کے مطابق اردن میں ایئربیس پر حملے میں درجنوں فوجی زخمی ہوئے، لیکن پینٹاگون نے ان نقصانات کا سرکاری اعلان نہیں کیا۔
