بیروت (لارڈ میڈیا): لبنان کے ایک معروف فوڈ انفلوئنسر جارج ڈب، جو ڈاکٹر فوڈ کے نام سے مشہور ہیں، کو ترکیہ کے ذریعے بسکٹ میں منشیات اسمگل کرنے کے جرم میں عدالت نے عمر قید کی سزا سنادی ہے۔ یہ سزا سخت مشقت کے ساتھ پوری کی جائے گی۔
عدالتی فیصلے میں کہا گیا کہ جارج ڈب نے بھنگ پر مبنی منشیات کو بسکٹ کی مصنوعات میں چھپا کر ترکیہ کے راستے اسمگل کرنے کی کوشش کی تھی۔ استغاثہ نے بتایا کہ یہ منشیات اسمگلنگ کا ایک منظم منصوبہ تھا جسے عدالت نے سنگین جرم قرار دیا ہے۔
جارج ڈب کے مقدمے کے دوران، استغاثہ نے متعدد شواہد پیش کیے جن کے تحت انہیں مجرم قرار دیا گیا۔ عدالت کے فیصلے کے بعد، جارج ڈب کو فوری طور پر حراست میں لے لیا گیا۔
