سیول (لارڈ میڈیا): جنوبی کوریا کی ایک تحقیق کے مطابق سگریٹ چھوڑ کر نکوٹین کے غیر جلنے والے متبادل جیسے ویپنگ اپنانے والے افراد میں آنکھوں کی بیماریوں کا خطرہ بڑھ سکتا ہے۔ تحقیق میں 32316 سابقہ سگریٹ نوش افراد کا اوسطاً 4.6 سال تک مشاہدہ کیا گیا۔ شرکاء کو مکمل نکوٹین ترک کرنے والے اور ویپنگ یا دیگر متبادل استعمال کرنے والے گروہوں میں تقسیم کیا گیا۔
تحقیق کے دوران 6328 نئے کیسز سامنے آئے۔ مکمل نکوٹین ترک کرنے والوں میں بیماریوں کی شرح 41.1 فی 1000 شخص جبکہ متبادل نکوٹین استعمال کرنے والوں میں 44 فی 1000 شخص رہی۔
اعداد و شمار کے مطابق، متبادل نکوٹین استعمال کرنے والوں میں آنکھوں کی بیماریوں کا خطرہ 7 فیصد زیادہ تھا، جس میں ذیابیطس ریٹینوپیتھی 24 فیصد زیادہ تھی۔
یہ تحقیق کوریا یونیورسٹی کالج آف میڈیسن نے کی اور یہ امیریکن جرنل آف اوپتھیمولوجی میں شائع ہوئی۔ ماہرین نے کہا کہ مکمل نکوٹین ترک کرنا زیادہ محفوظ حکمت عملی ہے۔
