چین کے نائب صدر ہان ژینگ سے جاپان ایسوسی ایشن آف کارپوریٹ ایگزیکٹو کا وفد بیجنگ میں ملاقات کررہا ہے-(شِنہوا)
بیجنگ(شِنہوا)چین کے نائب صدر ہان ژینگ سے جاپان ایسوسی ایشن آف کارپوریٹ ایگزیکٹوز(کیزئی ڈویوکائی) کے ایک وفد نے ملاقات کی۔
چینی نائب صدر نے کہا کہ چین اور جاپان کے درمیان اقتصادی اور تجارتی تعاون مضبوط بنیادوں پر قائم ہے۔ دونوں ممالک تعاون کی صلاحیت سے استفادہ کریں اور اعلیٰ سطح پر باہمی مفید نتائج حاصل کریں۔
نائب صدر ہان ژینگ نے کہا کہ بیرونی دنیا کے لئے چین کے دروازے مزید کھلیں گے۔ انہوں نے اس امید کا اظہار کیا کہ جاپان ایسوسی ایشن آف کارپوریٹ ایگزیکٹوز (کیزئی ڈویوکائی) اپنے فوائد کے حصول کے لئے کردار ادا کرے گا اور جاپانی کمپنیوں کو چین کو بہتر انداز میں سمجھنے اور چین کے ترقیاتی مواقع سے فائدہ اٹھانے کی ترغیب دے گا۔
کیزئی ڈویوکائی کی چیئرپرسن تاکیشی نینامی نے چین کی اقتصادی اور سماجی ترقی کی کامیابیوں کو سراہا اور کہا کہ ان کی ایسوسی ایشن چین کی منڈی کو مزید تلاش کرنے اور باہمی مفاد کے تعاون کو مزید مضبوط بنانے کے لئے جاپانی کاروباری حلقوں اور چین کے درمیان پل کا کردار ادا کرنے کے لئے تیار ہے۔
