بیجنگ (شِنہوا) چینی کومنتانگ پارٹی (کے ایم ٹی) کی چیئرپرسن چھینگ لی-وون نے کے ایم ٹی کے ایک وفد کی قیادت کرتے ہوئے بیجنگ میں سن یات-سین کی یادگار سینو ٹاف پر حاضری دی جو چین کے جمہوری انقلاب کے عظیم پیش رو سمجھے جاتے ہیں۔
یہ یادگار بیجنگ کے مغربی مضافات میں واقع فریگرنٹ ہلز کے علاقے میں بی یون ٹیمپل میں موجود ہے۔ سن یات سین کے ایم ٹی کے بانی رہنما اور چین میں شاہی نظام کے خاتمے میں اہم کردار ادا کرنے والے انقلابی رہنما تھے جو 1925 میں بیجنگ میں وفات پا گئے تھے۔ ان کی باقیات پہلے اسی مقام پر رکھی گئی تھی، بعد ازاں 1929 میں اسے نان جنگ میں واقع سن یات سین مزار منتقل کر دیا گیا۔
چھینگ لی-وون گزشتہ دس سال میں کے ایم ٹی کی پہلی چیئرپرسن ہیں جنہوں نے وفد کی قیادت کرتے ہوئے چینی مین لینڈ کا دورہ کیا ہے۔ یہ دورہ منگل سے اتوار تک جاری رہے گا۔ وفد اس سے قبل جیانگسو صوبے اور شنگھائی کا بھی دورہ کر چکا ہے اور اب بیجنگ پہنچا ہے۔
