انڈونیشیا کے صوبے جاوا میں لینڈ سلائیڈنگ سے ہلاکتوں کی تعداد 16 تک پہنچ گئی ہے جبکہ 23 فوجیوں سمیت 80 افراد تاحال لاپتہ ہیں۔
غیر ملکی میڈیا کے مطابق متاثرہ علاقے میں امدادی کارروائیاں جاری رہیں، لینڈ سلائیڈنگ سے 30مکان متاثر اور 400افراد بے گھر ہوگئے ہیں، مغربی جاوا میں شدید بارشوں کا سلسلہ 6 فروری تک جاری رہنے کی پیشگوئی کی گئی ہے۔
مشترکہ سرچ اینڈ ریسکیو ٹیمیں امدادی کارروائیاں جاری رکھے ہوئے ہیں، مقامی حکام نے متاثرہ علاقوں کے قریب رہائش پذیر افراد کو محتاط رہنے اور لینڈ سلائیڈ کے خطرے والے مقامات سے دور رہنے کی ہدایت کی کیونکہ غیر مستحکم مٹی کے باعث مزید نقصانات کا اندیشہ ہے۔
