محکمہ جنگلات پنجاب نے نایاب پرندوں اور پاڑہ ہرن کے گوشت کی غیرقانونی سمگلنگ میں ملوث مافیا کیخلاف بڑی کارروائی کی ہے، محکمہ جنگلات اور جنگلی حیات کے عملے کی جانب سے خفیہ اطلاع پر کی گئی کارروائی میں ہنس نسل کی 44 بطخیں برآمد کرلی گئی ہیں جبکہ غیرقانونی دھندے میں ملوث دو ملزمان کیخلاف ایف آئی آر درج کرلی گئی ہے۔
ذرائع نے بتایا کہ وزیراعلیٰ مریم نواز کی ہدایت پر سائیبریا سے ہجرت کرنیوالے آبی پرندے بارہیڈڈ گیز کل آزاد کئے جائینگے۔
44بارہیڈڈ گیزکو کالا خطائی کے نیشنل پارک سے فضا میں چھوڑا جائیگا، محکمہ جنگلات اور جنگلی حیات کی ٹیم کی پرندوں کے معائنہ کے بعد جاری رپورٹ کے مطابق تمام پرندے نہایت صحت مند ہیں۔
کارروائی پنجاب وائلڈ لائف ایکٹ 2025 کی خلاف ورزی پر کی گئی ہے۔
