الیکشن کمیشن نے اثاثوں کے گوشوارے جمع نہ کروانے پر وفاقی و صوبائی وزراء سمیت159ارکان پارلیمنٹ اور صوبائی اسمبلی کی رکنیت معطل کر دی۔
الیکشن کمیشن کے مطابق قومی اسمبلی کے 32، پنجاب اسمبلی کے 50، سندھ اسمبلی کے 33، خیبرپختونخوا اسمبلی کے 28، بلوچستان اسمبلی کے 7اور سینیٹ کے 9ارکان کی رکنیت معطل کی گئی۔
الیکشن کمیشن کے مطابق معطل ہونے والے اراکین میں مصدق ملک، خالد مقبول صدیقی، ارشد وہرا، سردار اختر مینگل، سید عبدالقادر گیلانی، علی موسی گیلانی، سائرہ افضل تارڑ، مہرین رزاق بھٹو، سندھ اسمبلی کے سپیکر اویس قادر شاہ، قائم علی شاہ، آغا شہباز درانی، امیر جماعت اسلامی حافظ نعیم الرحمن، سعید غنی، فوزیہ ارشد، عابد شیر علی، مراد سعید اور نور الحق قادری و دیگر شامل ہیں۔
الیکشن کمیشن کے مطابق معطل ارکان رکنیت بحال ہونے تک پارلیمنٹ یا صوبائی اسمبلی کی کسی کارروائی کا حصہ نہیں بن سکتے۔
