ایف بی آر نے سمگلنگ و غیرقانونی تجارت کے خاتمے کیلئے ڈیجیٹل انفورسمنٹ سٹیشن کے قیام کا فیصلہ کر لیا۔
ذرائع کے مطابق ڈیجیٹل انفورسمنٹ سٹیشن کو سمگلنگ و غیرقانونی تجارتی سرگرمیاں روکنے کا مکمل اختیار ہو گا، اشیاء کی غیرقانونی تجارت اور سمگلنگ میں ملوث افراد کو گرفتار بھی کیا جاسکے گا۔
ذرائع کے مطابق ایف بی آر نے ڈیجیٹل انفورسمنٹ سٹیشن کی قیام کیلئے حکومت سے 10 ارب روپے مانگے ہیں جس کے تحت موجودہ چیک پوسٹوں کو بھی ڈیجیٹل انفورسمنٹ سٹیشن میں تبدیل کیا جائے گا۔
حکام کے مطابق ڈیجیٹل انفورسمنٹ سٹیشن کے قیام سے سمگلنگ کی روک تھام ممکن ہو گی، سٹیشن سٹاف کیلئے رولز، آپریشنز اور ٹیکنالوجی استعمال کی جائیگی، خالی آسامیوں پر آرمڈ فورسز کے ریٹائرڈ افسران اور سپاہیوں کو کنٹریکٹر پر بھرتی کرنے کا فیصلہ کیا گیا ہے۔
