اے این ایف نے مختلف شہروں میں 5 کاروائیوں میں 30کروڑ 20لاکھ روپے سے زائد مالیت کی 268.08 کلوگرام منشیات برآمد کر کے خاتون سمیت 7 ملزمان گرفتار کرلئے۔
ترجمان کے مطابق اسلام آباد ائیرپورٹ پر دبئی جانیوالے مرد اور خاتون کے پیٹ سے 560 گرام وزنی 82 ہیروئن بھرے کیپسولز برآمد ہوئے۔
حاجی شاہ بس ٹرمینل ڈسٹرکٹ اٹک کے قریب گاڑی سے 8.4 کلوگرام چرس برآمد ہوئی اور ملزم گرفتار کرلیا گیا۔
مخدوم انٹرچینج کوٹ مومن سرگودھا کے قریب گاڑی سے 6 کلوگرام چرس برآمد جبکہ 2 ملزمان گرفتار ہوئے۔
نیول اینکرج اسلام آباد کے قریب گاڑی اور موٹر سائیکل سوار ملزمان سے 3.1 کلوگرام چرس اور 25 گرام ویڈ برآمد اور 2 ملزمان کو گرفتار کیا گیا جبکہ اولڈ چمن بلوچستان کے قریب سے 250 کلوگرام ہیروئن برآمد ہوئی۔
ترجمان کے مطابق گرفتار ملزمان کیخلاف انسداد منشیات ایکٹ 1997 کے تحت مقدمات درج کر کے تحقیقات شروع کردی گئی ہیں۔
