پنجاب کی 98 تحصیلوں میں سمارٹ سیف سٹیز کے قیام کے منصوبے پر دستخط کر دیئے گئے۔
ترجمان سیف سٹی کے مطابق بدھ کو سینٹرل پولیس آفس میں معاہدے پر دستخط کی تقریب منعقد ہوئی جس میں آئی جی پنجاب ڈاکٹر عثمان انور، چیف آپریٹنگ آفیسر سیف سٹیز کیپٹن (ر)مستنصر فیروز، سی پی ایل او عبد اللہ احمد، ایس ایس پی سیف سٹی محمد افضل ،جی ایم این آر ٹی سی بریگیڈئر (ر)زاہد میتلا، جنرل منیجر بریگیڈئر (ر)شاہد منظور، جنرل منیجر سید عامر جاوید، پراجیکٹ ڈائریکٹر بریگیڈئر (ر)مظفر احمد سمیت این آر ٹی سی کے دیگر عہدیداران نے شرکت کی۔
اس موقع پر ایم ڈی نیشنل ریڈیو اینڈ ٹیلی کمیونیکیشن کارپوریشن بریگیڈیئر عظمت شبیر اور ایم ڈی سیف سٹیز اتھارٹی محمد احسن یونس نے معاہدے پر دستخط کئے، معاہدے کے تحت این آر ٹی سی پنجاب کی 98 تحصیلوں میں 31دسمبر 2026 تک سمارٹ سیف سٹیز قائم کرے گی۔
ایم ڈی سیف سٹی احسن یونس کے مطابق این آر ٹی سی کے ساتھ معاہدے کے تحت فیز ون میں ملتان شیخوپورہ، سیالکوٹ، جہلم، اٹک، سرگودھا اور ڈی جی خان سمیت 18 شہروں میں سمارٹ سیف سٹیز پراجیکٹ 100 فیصد مکمل ہو چکے ہیں، فیز ٹو کے تحت دیگر 19شہروں میں 31 مارچ تک سمارٹ سیف سٹیز کی تکمیل ہوگی۔
اس موقع پر آئی جی پنجاب نے کہا کہ وزیراعلی کے حکم پر تحصیل کی سطح پر سیف سٹی کی تکمیل سے پنجاب کو مزید محفوظ بنانے میں مدد ملے گی۔
