پنجاب کیٹل مارکیٹ مینجمنٹ اینڈ ڈویلپمنٹ کمپنی میں کروڑوں روپے کی مالی بے ضابطگیوں کا انکشاف ہوا ہے۔
یہ انکشاف 2022.23 کی آڈٹ رپورٹ میں ہوا جس کے مطابق پنجاب کیٹل مارکیٹ مینجمنٹ اینڈ ڈویلپمنٹ کمپنی فیصل آباد میں من پسند ٹھیکیداروں کی جانب سے سرکاری خزانے کو 21 ملین روپے کا نقصان پہنچایا گیا ہے۔
آڈٹ رپورٹ کے مطابق ٹھیکیدار پارکنگ اور جانوروں پر ٹیکس کے ٹھیکہ کی مکمل ادائیگی کے بغیر ہی غائب ہو گئے اور 58 ملین روپے کا ٹھیکہ حاصل کرنے کے بعد صرف 12 ملین روپے ادا کرکے فرار ہو گئے جس کی وجہ سے کمپنی کو دوبارہ ٹھیکہ 14 ملین روپے میں دینا پڑا جس سے کمپنی کو 21 ملین روپے کا نقصان ہوا، کمپنی نے ٹھیکیداروں کی عدم ادائیگی پر ان کیخلاف کسی قسم کی کارروائی بھی نہیں کی اور رقم وصولی کیلئے کسی قسم کے اقدامات بھی نہیں کئے گئے، ٹھیکیداروں کو بلیک لسٹ بھی نہیں کیا گیا۔
