افواج پاکستان نے قائداعظم محمد علی جناح کو یوم ولادت پر شاندار الفاظ میں خراج عقیدت پیش کرتے ہوئے
ملکی خودمختاری، علاقائی سالمیت کے تحفظ، قومی استحکام، امن و ترقی کیلئے کاوشوں کے عزم کا اعادہ کیا ہے۔
آئی ایس پی آر سے جاری بیان کے مطابق چیف آف ڈیفنس فورسز فیلڈ مارشل سید عاصم منیر نے بابائے قوم کو شاندار خراج عقیدت پیش کرتے ہوئے کہا کہ قائداعظم کی مثالی قیادت آج بھی قوم اور افواج پاکستان کیلئے مشعل راہ ہے۔
چیف آف ایئر سٹاف اور چیف آف نیول سٹاف نے بھی بابائے قوم کو خراج عقیدت پیش کیا اور وژن سے اپنی غیر متزلزل وابستگی کا اعادہ کیا۔
ترجمان کے مطابق افواج پاکستان نے قائداعظم کے نظریات اور امنگوں کے مطابق بھرپور کردار ادا کرنے، ملکی خودمختاری، علاقائی سالمیت کے تحفظ، قومی استحکام، امن و ترقی کیلئے کاوشوں کے عزم کا اعادہ کیا۔
