امریکی ٹینس سٹار وینس ولیمز نے اطالوی اداکار دوست آندریا پریٹی سے شادی کر لی، ٹینس سٹار سرینا ولیمز کی بہن وینس ولیمز کے اطالوی اداکار، ماڈل اور ڈیزائنر سے دوستی کے چرچے رہے ہیں، جوڑے کی شادی کی تقریبات 6 روز پام بیچ فلوریڈا میں جاری رہیں۔
وینس ولیمز کا کہنا تھا کہ شادی کے موقع پر سرینا ولیمز نے قیمتی یاٹ کا تحفہ دیا ہے، قیمتی یاٹ میں فیملی کے قریبی افراد کو عشائیہ بھی دیا گیا، سرینا ولیمز نے ہی یاٹ میں تمام کھانوں کا انتظام کیا، کشتی پر 10سے 12خاندان کے افراد اور دوست تھے، ہم نے ایک ہفتے خوب انجوائے کیا۔
وینس ولیمز اور آندریا پریٹی کی 2024میں میلان میں ایک فیشن شو کے دوران ملاقات ہوئی تھی، وینس ولیمز اور آندریا پریٹی کی منگنی کی تقریب جولائی میں ہوئی تھی، سرینا ولیمز نے شادی کے موقع پر اپنی بہن کیلئے تصاویر کیساتھ محبت بھرا پیغام بھی لکھا ہے۔
