پشاور ہائی کورٹ نے کوہستان کرپشن سکینڈل میں گرفتار ملزم سرتاج کی ضمانت خارج کردی۔
پشاور ہائیکورٹ نے ملزم کی ضمانت اور نیب کارروائی کیخلاف درخواست پر 4 صفحات پر مشتمل تحریری فیصلہ جاری کرتے ہوئے کہا ہے کہ ملزم اربوں روپے کے کوہستان سکینڈل میں نیب کو مطلوب ہے۔
نیب ریکارڈ کے مطابق ملزم کے اکائونٹ میں 22 ارب روپے کی ٹرانزیکشن مرکزی ملزمان کے اکائونٹس سے کی گئی ہے، ملزم اتنے بڑے پیمانے پر ٹرانزیکشن کی وضاحت نہیں دے سکا۔
فیصلے میں کہا گیا ہے کہ ملزم کی گرفتاری مجاز اور متعلقہ فورم نے کی ہے، استدعا منظور کر کے ریلیف دینا قبل از وقت ہوگا۔
عدالت ملزم کی درخواست ضمانت خارج نیب انکوائری کالعدم قرار دینے کی استدعا مسترد کرتی ہے۔
