وزیراعظم کے مشیر برائے سیاسی امور رانا ثنا اللہ نے کہا ہے کہ سیاست اور جمہوریت ڈیڈلاک نہیں، بات چیت اور ڈائیلاگ سے آگے بڑھتی ہے، تمام سیاسی و جمہوری قوتوں کو مسائل کے حل کیلئے آپس میں بیٹھنا چاہئے۔
نجی ٹی وی سے گفتگو کرتے ہوئے رانا ثناء اللہ نے کہا کہ (ن) لیگ نے ہمیشہ چارٹر آف ڈیموکریسی اور چارٹر آف اکانومی کیلئے کوشش کی ہے، وزیراعظم شہباز شریف نے کابینہ اجلاس میں بھی واضح کیا کہ حکومت بات چیت کیلئے تیار ہے اور اس سے قبل بھی پی ٹی آئی کو چار مرتبہ مذاکرات کی دعوت دی جا چکی ہے۔
انہوں نے کہا ہے کہ بانی پی ٹی آئی چار سال اقتدار میں رہے لیکن اپنے دور حکومت میں کبھی اپوزیشن سے مذاکرات نہیں کیے، بانی پی ٹی آئی کا موقف رہا کہ وہ این آر او نہیں دیں گے اور نہ ہی ہاتھ ملانے یا ساتھ بیٹھنے کیلئے تیار ہیں اور اب بھی وہ مذاکرات پر یقین نہیں رکھتے۔
انہوں نے کہا کہ انہوں نے کہا ہے کہ سلمان اکرم راجہ اور علیمہ خان کا مو قف بھی پانی پی ٹی آئی کی ہدایت پر ہے۔
انہوں نے کہا کہ اگر ملاقاتوں کو کنٹرول نہ کیا جاتا تو رواں سال بھی فتنہ و فساد اور انارکی پھیلانے کا ارادہ تھا ،ان کی منصوبہ بندی تصادم، افراتفری اور امن و امان کی صورتحال خراب کرنے کی ہے۔
انہوں نے کہا کہ نواز شریف سینئر سیاستدان ہیں جن کا طویل سیاسی سفر ہے ،انہوں نے ہمیشہ کردار ادا کیا ہے، جب کوئی بیٹھ کر مذاکرات کرے گا تب ہی آگے بڑھنے کا راستہ نکلے گا۔
