پاکستان نے انڈر 19 ایشیا کپ میں بھارتی کرکٹرز کے نامناسب رویہ پر آئی سی سی سے رجوع کرنے کا فیصلہ کر لیا ہے، پاکستان کرکٹ بورڈ (پی سی بی) کے چیئرمین محسن نقوی نے کہا ہے کہ انڈر 19 ایشیا کپ کے فائنل میں بھارتی کھلاڑی پاکستانی پلیئرز کو اشتعال دلاتے رہے، اس سے متعلق آئی سی سی کو آگاہ کر رہے ہیں، سیاست اور کھیل کو الگ رکھنا چاہئے۔
دوسری جانب پاکستان ٹیم کے مینٹور سرفراز احمد نے بھارتی کھلاڑیوں کے رویہ کو افسوسناک قرار دیتے ہوئے کہا کہ بھارتی کھلاڑیوں کا رویہ بالکل اچھا نہیں تھا اور غیر اخلاقی تھا، پاکستان ٹیم نے سپورٹس مین سپرٹ کیساتھ جیت کا جشن منایا، بھارتی کھلاڑیوں نے جو کیا وہ انکا ذاتی فعل ہے۔
