اسلام آباد: صدر مملکت نے پاکستانی کوہ پیما نائلہ کیانی کو کنچن جنگا چوٹی سر کرنیوالی پہلی پاکستانی خاتون کا اعزاز حاصل کرنے پر مبارکباد دی ہے۔ جاری بیان میں آصف زرداری نے کہا کہ پاکستانی خواتین باصلاحیت ہیں جو مختلف شعبوں میں خدمات انجام دے رہی ہیں۔
صدر نے نائلہ کیانی کے مستقبل کیلئے نیک خواہشات کا اظہار کرتے ہوئے کہا کہ کوہ پیمائی شعبے میں پاکستانی خواتین کی شمولیت خوش آئند ہے ۔
