انسانی حقوق کے عالمی ادارے نے الزام لگایا ہے کہ اسرائیل ہزاروں فلسطینیوں کو بے گھر کر کے کیمپوں کی طرف دھکیل رہا ہے، ادارے کی ایک رپورٹ کے مطابق اسرائیل کی جانب سے 32 ہزار فلسطینیوں کو جنین، نورشمس اور تلکرم کے پناہ گزین کیمپوں میں جانے پر مجبور کیا جا رہا ہے۔
غیر ملکی میڈیا کے مطابق ہیومین رائٹس واچ نے بتایا ہے کہ مغربی کنارے سے فلسطینیوں کو بے گھر کرنے کا یہ سلسلہ 1967 کے بعد سب سے بڑی مہم جوئی کا حصہ ہے۔
مغربی کنارے میں اسرائیلی فورسز اکتوبر 2023 سے اب تک 1 ہزار سے زائد فلسطینیوں کو شہید کرچکی ہیں، اسکے علاوہ اقوام متحدہ نے گزشتہ ماہ اپنی رپورٹ میں تصدیق کی تھی کہ اسرائیلی حکومت نے 1 ہزار سے زائد فلسطنیوں کے گھر مسمار کرکے انکو بے گھر کیا تھا۔
