پاکستان کے ٹاپ ٹینس اسٹار اعصام الحق نے دو دہائیوں تک بین الاقوامی ٹینس مقابلوں میں پاکستان کی نمائندگی کرنے کے بعد ٹینس سے سبکدوش ہونے کا اعلان کردیا ہے۔
یہ اعلان انہوں نے پاکستان کے پہلے اے ٹی پی چیلنجر کپ کے افتتاح کے موقع پر کیا۔
اسلام آباد میں جاری ٹورنامنٹ اعصام الحق کا آخری انٹرنیشنل ایونٹ ہوگا جس میں وہ مزمل مرتضیٰ کیساتھ ڈبلز ایونٹ کھیلیں گے۔
اعصام الحق نے اپنے کیریئر کے دوران 18 اے ٹی پی ٹائٹلز جیتے اور 2010 میں یو ایس اوپن مینز ڈبلز اور مکسڈ ڈبلز کے فائنل میں پہنچے۔
