اوگرا نے گیس قیمتوں میں اضافے کی تردید کرتے ہوئے کہا ہے کہ حالیہ تعین کے مطابق گیس قیمتوں میں کسی قسم کے اضافے کی منظوری نہیں دی گئی۔
جاری بیان میں ترجمان نے وضاحت کی کہ گیس قیمتوں کے تعین بارے غلط تاثر پیش کیا گیا ہے، قیمتوں میں رد و بدل کی کوئی ضرورت پیش نہیں آئی۔
ترجمان کے مطابق اوگرا مالی سال 2025-26ء کیلئے طے کردہ ریونیو ضروریات کو ایس این جی پی ایل اور ایس ایس جی سی ایل کے موجودہ نیٹ ورک سے حاصل ہونے والی آمدن پورا کر رہی ہے، قیمتوں میں ردوبدل نہیں ہوا۔
