راولپنڈی میں جرگے کے دوران فائرنگ سے دو بھائی جاں بحق ہوگئے۔
پولیس ذرائع کے مطابق تھانہ سول لائنز کے علاقے جھنڈا چیچی میں سابقہ دشمنی دوستی میں بدلنے اور فریقین میں صلح کرنے کیلئے جرگہ جاری تھا کہ اس دوران ملزم متال نے ٹارگٹ کرکے دونوں بھائیوں پر فائرنگ کردی جس سے دونوں بھائی موقع پر جاں بحق ہوئے جبکہ ملزم فرار ہوگیا، جس کی گرفتاری کیلئے کوششیں جاری ہیں۔
پولیس کے مطابق مقتولین کی شناخت محمد فرقان اور احتشام کے ناموں سے ہوئی ہے جن کی لاشوں کو ضابطے کی کارروائی کیلئے ہسپتال منتقل کردیا گیا۔
بتایا جا رہا ہے کہ فائرنگ کرنیوالا ملزم لیڈی کانسٹیبل کا بیٹا ہے۔
