پاکستان کرکٹ بورڈ نے پاکستان سپر لیگ میں توسیع کا اہم سنگِ میل عبور کرتے ہوئے پی ایس ایل کی دو نئی ٹیموں کی نیلامی کا اعلان کردیا ہے، پاکستان سپر لیگ کی انتظامیہ کی جانب سے جاری پریس ریلیز کے مطابق دو نئی فرنچائز ٹیموں کی نیلامی آئندہ سال 6 جنوری کو ہو گی۔
یہ لیگ کی مسلسل توسیع کے عزم میں ایک اہم سنگ میل کی نشاندہی کرتا ہے اور نئی ٹیموں کے اضافے سے تجارتی فوائد کیساتھ ساتھ کھیلوں اور شائقین کی مصروفیت کے نئے مواقع بھی پیدا ہونگے۔
دوسری جانب نئی فرنچائزز کیلئے 6 ممکنہ شہروں کی فہرست جاری کردی گئی ہے، فیصل آباد، راولپنڈی اور حیدرآباد بھی ممکنہ فرنچائزز میں شامل ہیں، پاکستان سپر لیگ کی دو نئی ممکنہ فرنچائزز میں سیالکوٹ، مظفرآباد اور گلگت کے نام بھی شارٹ لسٹ ہوئے ہیں۔
پاکستان سپر لیگ کے مطابق صرف تکنیکی طورپر کوالیفائیڈ بولی دہندگان ہی نیلامی میں شریک ہونگے۔
سی اِی او پی ایس ایل سلمان نصیر کا کہنا ہے کہ پی ایس ایل عالمی سطح کی ٹی ٹوئنٹی لیگ کے طور پر ترقی کر رہی ہے۔
قبل ازیں پی سی بی کا کہنا تھا کہ دنیا بھر سے نئی ٹیموں کے لیے پیشکشیں طلب کر رکھی ہیں، جس کے لیے ٹیکنیکل پروپوزل جمع کرانے کی ڈیڈ لائن 15 دسمبر ہے۔
